Қарши шаҳрида Сobalt ва Spark автомобиллари тўқнашди. Оқибатда Spark йўловчиси тан жароҳати олиб, шифохонага ётқизилди. Бу ҳақда «Дарё»га Қарши шаҳар Йўл ҳаракати хавфсизлиги бўлими ахборот хизмати инспектори Аҳрор Усмонов хабар берди.
Қайд этилишича, воқеа 2021 йилнинг 16 август куни кеч соат 22:33 да содир бўлган.
«2021 йилнинг 16 август куни соат 22:33 да Қарши шаҳар Ислом Каримов кўчаси ва Насаф кўчалари кесишган чорраҳада тўқнашув содир бўлган. Ҳайдовчи Т.Ғ. бошқарувидаги Cobalt Ислом Каримов кўчаси бўйлаб ҳаракатланиб келиб, Насаф кўчасидан келаётган ҳайдовчи А.З. бошқарувидаги Spark билан тўқнашган. Натижада Spark йўловчиси тан жароҳат олиб, шаҳар шифохонасига ётқизилган», — дейди Аҳрор Усмонов.
Таъкидланишича, айни пайтда ҳодиса юзасидан тергов-суриштирув жараёнлари олиб борилмоқда.
Эслатиб ўтамиз, аввалроқ Тошкентда Matiz ва Nexia тўқнашуви оқибатида уч киши жароҳатлангани, Самарқандда бошқарувни йўқотган Lacetti иккита «Жигули» ва Damas‘га урилиши оқибатида бир нафар йўловчи воқеа жойида вафот этгани хабар берилганди.
Изоҳ (0)