Қашқадарёда журналист ва блогерлар учун кўп қаватли уйлар қурилиши мумкин. Бу ҳақда вилоят раҳбари Зоир Мирзаев билан бўлган мулоқотда маълум қилинди, дея хабар берди «Дарё» мухбири.
Қайд этилишича, Қашқадарё ҳокими Зоир Мирзаев 21 август куни вилоятда фаолият юритувчи журналист ва блогерлар билан мулоқот қилган.
Ҳоким билан очиқ мулоқотда сўз олган «Дарё» мухбири вилоятда журналист ва блогерларни қўллаб-қувватлаш борасида амалга оширилаётган ишлар ҳақида фикр билдириб, улар учун ҳам худди ИИБ ходимлари, ҳарбий хизматчилар ва ДХХ ходимлари каби журналист ва блогерлар уйини қуриш таклифини ўртага ташлаган.
«Таклиф менга ҳам маъқул. Бу бўйича таклиф билан чиқамиз ва маъқулланса, Қарши cитй ҳудудидан ‘дом’ қурамиз. Шунингдек, яна бир режамиз қолиб кетди. Республикадан рухсат олсак, 15-20 нафар ОАВ вакилини ҳафталик халқаро медиа-турларга ҳокимлик ҳисобидан хизмат сафарига жўнатамиз», — деди вилоят раҳбари.
«Дарё» мухбирининг аниқлаштиришича, айни кунда республикада Фарғона ва Наманган вилоятларида журналист ва блогерлар уйи қурилиб, фойдаланишга топширилган.
Изоҳ (0)