Тошкентда Lacetti автомобили йўлни белгиланмаган жойдан кесиб ўтишга уринган пиёдани уриб юборди, деб хабар беради пойтахт ИИББ ахборот хизмати.
Маълум қилинишича, 19 август куни, тахминан, соат 01:30 да Юнусобод тумани Боғишамол кўчасида 31 ёшли Р.С. Lacetti русумли автомобилни бошқариш давомида маст ҳолатда бўлган ва йўлни белгиланмаган жойдан кесиб ўтмоқчи бўлган пиёдани уриб юборган.
Авария оқибатида пиёда — 51 ёшли А.Ш. жароҳатлар туфайли воқеа жойида ҳалок бўлган.
Мазкур факт бўйича Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми бўйича жиноят иши қўзғатилган, тергов давом этмоқда.
Аввалроқ Нукусда Matiz маст пиёдани уриб юборгани, Наманганда Cobalt маст пиёдани уриб кетгани, Бухорода Matiz бошқарувни йўқотиб, оқар сувга тушиб кетиши оқибатида ҳайдовчи вафот этгани тўғрисида хабар берилганди.
Изоҳ (0)