Самарқанд вилояти Жомбой туманида жойлашган гўзаллик салонида маст эркак бир аёлни дўппослади. Бу ҳақда «Марказий студия» информацион дастурида маълум қилинди.
Аниқланишича, жанжал 11 август куни Жомбой туманидаги сартарошхонага ўғилларини олиб келган аёлга фуқаронинг шилқимлик қилиши оқибатида келиб чиққан тортишув сабаб содир бўлган.
Шундан сўнг фуқаролар шу ердаги гўзаллик салонига кириб, буюмларни синдириб жанжал кўтарган. Маст эркак хонада қолиб кетган аёлни тутиб олиб, аёвсиз дўппослаган.
Зарбалардан ҳушини йўқотган аёл шифохонага олиб борилган.
«Деразаларни синдириб, ичкарига 3 йигит кириб келди. Бизни қувиб чиқариб юборди. Опамизни косметолог хонасига олиб бориб, ваҳшийларча калтаклади.
Кейинроқ 7—8 нафар эркак келиб, яна катта жанжал бўлиб кетди», — дейди гувоҳлардан бири.
Жанжал, тахминан, 1 соатлар давом этган.
Мазкур ҳолат юзасидан Жомбой тумани ИИБ ҳузуридаги тергов бўлими томонидан жиноят иши қўзғатилган.
Бундан аввал Урганчда Malibu ҳайдовчиси ЙПХ ходимларининг қонуний талабига бўйсунмай, улар билан жанжаллашгани, Самарқандда маст ҳолатда бегона қизга шилқимлик қилган эркак 15 суткага қамалгани ҳамда Чирчиқда 5 ёшли бола 2 ёшли болани йиқитиб юборгани учун болаларнинг оналари ва бувилари ўзаро жанжаллашгани ҳақида хабар берилганди.
Изоҳ (0)