Майк Тайсон тарихдаги энг буюк боксчилар ҳақида гапирди

58 ёшли афсонавий спортчи Майк Тайсон тарихдаги энг буюк тўрт нафар боксчи ким эканини айтди. Бу ҳақда Championat нашри хабар берди.

Собиқ жаҳон чемпиони SecondsOut нашри билан суҳбатда қуйидагича фикр билдирди:

Бокс тарихидаги энг кучли спортчилар? Мен учун Жек Демпсей, Сонни Листон, Муҳаммад Али ва Жорж Форман энг кучли боксчилар ҳисобланади.

• Жек Демпсей 1913 йилдан 1927 йилгача фаолият юритган. У бу давр мобайнида жами 73 та жанг ўтказиб, 58 ғалаба, 6 мағлубият қайд этган, 9 жанг эса ҳакамлар қарорига кўра дуранг билан якунланган. Демпсей 1919–1926 йиллар давомида оғир вазн тоифасида жаҳон чемпиони бўлган.
• Сонни Листон 1953–1970 йилларда профессионал рингда жанг қилган. У жами 54 та жанг ўтказган бўлиб, уларнинг 50 мартасидата ғалаба қозонган (39 КО), 4 та жангда эса имкониятни бой берган. Листон 1962–1964 йиллар оралиғида оғир вазн тоифасида жаҳон чемпионли унвонига эгалик қилган.
• Жорж Форман фаолияти давомида 81 та жанг ўтказган бўлиб, улардан 76 тасида зафар қучган (68 КО), яна 5 та жангда мағлубиятга учраган. 
• Муҳаммад Али бутун фаолияти давомида 61 марта жанг қилган. Шулардан 56 тасида ғалаба қозонган (37 КО) бўлса, 5 жангда имкониятни бой берган. У оғир вазн тоифасида уч марта жаҳон чемпиони бўлган. 

Маълумот учун, Майк Тайсон 20 ёшида жаҳон чемпиони унвонига эга чиқиб, оғир вазн тоифасида чемпионликни қўлга киритган энг ёш боксчи сифатида тарихга кирган. У фаолияти давомида 58 та жанг ўтказган. Шуларнинг 50 мартасида ғалаба қозонган (44 КО). 6 та жангда имкониятни бой берга бўлса, яна икки баҳс натижаси бекор қилинган. Тайсон охирги жангини 2024 йилнинг ноябрь ойида машҳур блогер Жек Полга қарши ўтказиб, ҳакамлар қарори билан мағлубиятга учради.