Қашқадарё вилоятининг Чироқчи туманида ЙПХ инспектори бошқарувида бўлган Lacetti иштирокида ЙТҲ содир бўлди, дея хабар берди «Дарё» мухбири.
Қайд этилишича, воқеа 2021 йилнинг 17 август куни, тахминан, соат 17:00 да содир бўлган.
Воқеа гувоҳларининг сўзига кўра, ЙПХ ходими қувиб ўтиш қоидасини қўпол тарзда бузгани сабабли ёнма-ён келаётган яна бир Lacetti билан тўқнашув содир бўлган.
Ҳодисанинг тўлиқ тафсилотлари ҳақида расмий ахборот берилмаган.
Эслатиб ўтамиз, аввалроқ Самарқандда бошқарувни йўқотган Lacetti иккита «Жигули» ва Damas’га урилгани, оқибатда бир нафар йўловчи воқеа жойида вафот этгани, Навоийда содир бўлган ЙТҲда эса Лабо ҳайдовчиси вафот этгани хабар берилганди.
Изоҳ (0)