17 август куни дунё бўйлаб камера объективига муҳрланган суратларни намойиш қиламиз.
Кениянинг Нарок округидаги миллий қўриқхонада яшовчи антилопалар. Фото: Reuters
Ижтимоий тармоқларда 17 август куни Президент Шавкат Мирзиёевнинг iPhone русумли телефонда мулоқот қилаётгани акс этган сурати тарқалди. Сурат айнан қачон олингани номаълум. 2019 йил август ойида ўша вақтдаги Президент матбуот котиби Комил Алламжонов Alter Ego дастурига берган интервьюсида «Президент мобил телефондан фойдаланадими?» саволига «Мен буни аниқ билмайман, лекин бир-икки марта мобил телефон орқали гаплашганини кўрганман», дея жавоб берган. Фото: Telegram / «Что там у узбеков?»
Афғонистон пойтахти Кобул халқаро аэропорти деворларидан ошиб тушаётган одамлар. Мамлакат «Толибон» қўл остига ўтгандан сўнг минглаб одамлар хорижга чиқиб кетиш ҳаракатига тушди. Фото: Getty Images
«Истиқлол» мажмуасининг қурилиши. Ушбу мажмуада Ўзбекистон Мустақиллигининг 30 йиллигига бағишланган байрам тадбирларини ўтказиш режалаштирилган. Фото: «Дарё» / Мусулмонбек Иброҳимов
Жанубий Африкадаги Крюгер миллий боғида уришаётган бегемотлар. Фото: Solent News
Калифорнияда 14 июлда бошланган «Дикси» ўрмон ёнғинлари АҚШ тарихидаги энг каттаси бўлди. «Дикси» аллақачон 2 минг квадрат километрдан ортиқ майдонни эгаллаган, ёнғиннинг фақат 30 фоизи бартараф этилган. Фото: «ТАСС»
Москва ҳайвонот боғининг ёзги ҳовлисида ётган капибара. Фото: «Москва» шаҳар ахборот агентлиги
Хитойнинг шимоли-ғарбий қисмида яшовчи деҳқон чили қалампирини қуритмоқда. Фото: Getty Images
Мехико шаҳрининг феминистик ҳаракати аъзолари аёлларга нисбатан зўравонликка қарши марш уйиштирди. Фото: EPA
Рим ҳайвонот боғидаги ҳайвонлар музлатилган мевалар билан озиқлантирилмоқда. Шаҳарда юқори ҳарорат кузатилиши давом этмоқда. Фото: Getty Images
Индонезияда Мустақиллик куни нишонламоқда. Суратда: Сурабаядаги тикув цехида байроқ тикаётган аёл. Фото: Getty Images
Калифорниядаги «Дикси» ўрмон ёнғинлари сабабли 15 мингга яқин уй хавф остида қолмоқда. Фото: «ТАСС»
Ироқ жанубидаги Нажаф шаҳрида мусулмонларнинг муқаддас Муҳаррам ойи бошланишига бағишланган томоша. Фото: Getty Images
Emirates авиакомпанияси Дубайдаги дунёнинг энг баланд биноси Бурж Халифа тепасида реклама суратга олди. Фото: «ТАСС»
Мумбайдаги санъат мактаби ўқувчилари Афғонистон халқига ҳамдардлик билдириб, суратлар чизди. Фото: AP Photo
Испания марказидаги ўрмон ёнғинларининг оқибатлари. Фото: EPA
Бағдод шаҳрида тақвимдаги энг муқаддас кун — Ашуро кунига тайёргарлик кўриш учун йиғилган шиа мусулмонлари. Фото: Reuters
Австрияда сув тошқини сабаб бўлган кўчкига тиқилиб қолган поезд. Фото: Getty Images
АҚШ ҳарбий-ҳаво кучларига тегишли C-17 Globemaster III ҳарбий транспорт самолётида Кобул аэропортидан 640 га яқин афғонистонлик эвакуация қилинди. Фото: Courtesy Photo
Индонезиялик болалар мустақиллик кунида юқори ўринларни эгаллаш учун палма дарахтига чиқиш мусобақасида қатнашмоқда. Фото: EPA
Косоводаги Дон Лубине қишлоғида келинни анъанавий тўй маросимига тайёрлаш жараёни. Фото: EPA
Боливия миллий полиция академияси янги хизмат итларини қабул қилди. Фото: AP Photo
Аввалги кунларнинг фотогалереялари :
Сўнгги манзилга кузатилган муфтий, мактабга йўл олган фаластинлик болалар, чорасиз қолган афғон аёллари. 16 август суратлари Ниқоб тақиб олган япон иблиси, ёнғиндан сўнг уйига қайтган турк, жума намози учун очилган масжид эшиклари. 13 август суратлари Осмонда авж олган метеор ёмғири, фаластинликлар қурган самолёт–ресторан, вилоят марказини эгаллаган «Толибон». 12 август суратлари Мессини қутлаётган Париж, Рим Папасига кутилмаган қўнғироқ, парашютдан сакраш мусобақаси. 11 август суратлари «Камп Ноу»дан юлиб ташланаётган Месси сурати, Афғонистон чегарасидаги ҳарбий машғулотлар, ўз расми фонида қабул ўтказаётган Наманган ҳокими. 10 август суратлари Туғилган кунини нишонлаётган панда, уйга қайтаётган филлар, Мексикадаги осма транспорт. 9 август суратлари Тошкентда учрашган жаҳон чемпионлари, ўрмон ёнғинларидан халос бўлган Туркия, Кувайтдаги шиналар қабристони. Ҳафта суратлари
Изоҳ (0)