Нукус туманида Matiz автомобили йўлнинг қатнов қисмида кетаётган пиёдани уриб кетди, дея хабар қилмоқда Қорақалпоғистон ЙҲХБ ахборот хизмати.
Қайд этилишича, 2021 йил 8 август куни тунги соат 23:00 ларда Нукус туманидан ўтувчи 4Р-135 автомобиль йўлида кетаётган Matiz русумли автомобиль йўлнинг қатнов қисмида маст ҳолатда ҳаракатланиб кетаётган фуқарони уриб юборган.
Бу воқеа оқибатида пиёда тан жароҳати олиб, шифохонада вафот этган.
Ҳозирда воқеа жойида тергов жараёнлари олиб борилмоқда.
Аниқланишича, Matiz ҳайдовчиси автомобилни 2021–2022 йилги мажбурий техник кўрикдан ўтказмаган.
Бундан аввал Наманганда Damas ва Nexia тўқнашуви оқибатида ҳайдовчилардан бири вафот этгани, Тошкентда Nexia билан тўқнашган Matiz ағдарилиб кетгани ҳамда Қашқадарёда қувиб ўтиш қоидасини бузган Lacetti юк машинаси билан тўқнашгани ҳақида хабар берилганди.
Изоҳ (0)