Сурхондарёнинг Қумқўрғон туманида Nexia-3 ҳайдовчиси пиёдани уриб юбориб, унинг ўлимига сабабчи бўлди. Бу ҳақда вилоят ИИБ ЙҲХБ матбуот хизмати хабар берди.
Маълум қилинишича, воқеа 10 август куни соат 00:15 ларда М-41 халқаро автомобиль йўлининг «Аждарсой» маҳалласи ҳудудидан ўтувчи йўлнинг 1539-километрида юз берган. Маст ҳолда Nexia-3 ни бошқариб кетаётган ҳайдовчи бошқарувни йўқотиб, йўлнинг қарама-қарши йўналишида кетаётган эркакни уриб юборган.
ЙТҲ оқибатида пиёда вафот этган. Натижада 5 нафар онасиз бола отасидан ҳам айрилган.
Аввалроқ Сурхондарёнинг Шеробод туманида ҳайдовчи ухлаб қолиши оқибатида ЙТҲга учраган Nexia’да йўловчи ҳалок бўлгани, Сариосиё тумани катта тезликда ҳаракатланган Tico 4 ёшли қизчани уриб юбориб, унинг ўлимига сабабчи бўлгани ҳақида хабар берилган эди.
Изоҳ (0)