Бухоро вилоятининг Қоровулбозор туманида туман тиббиёт бирлашмаси масъул ходими фуқарони ҳамшираликка ишга жойлаштириш эвазига ундан 400 доллар олаётганида қўлга олинди. Бу ҳақда «Дарё»га вилоят ИИБ ахборот хизмати раҳбари Шуҳрат Жалолов хабар берди.
Таъкидланишича, Қоровулбозор туман тиббиёт бирлашмаси масъул ходими Ш.Н. бир неча йилдан буён иш излаб юрган фуқаро Г.Ж. нинг ишончига кириб, уни бирлашманинг хирургия бўлимида ярим ставка ҳамширалик вазифасига ишга жойлаштиришини ваъда қилиб, эвазига ундан 400 доллар талаб қилган. Бунча миқдордаги маблағга эга бўлмаган Г.Ж. тиббиёт бирлашма масъул ходимининг хатти-ҳаракатлари юзасидан ҳуқуқ-тартибот идораларига ариза билан мурожаат қилган.Бухоро вилоят ИИБ ҳамда Бош прокуратура ҳузуридаги Иқтисодий жиноятларга қарши курашиш департаментининг вилоят бошқармаси ходимлари ҳамкорлигида тезкор тадбир уюштирилган. Тезкор тадбир давомида тиббиёт бирлашма масъул ходими Ш.Н. фуқаро Г.Ж.дан 400 доллар пора олаётганида ушланган.
Ҳолат юзасидан Жиноят кодексининг 168-моддаси 1-қисми (фирибгарлик) билан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир:
- Андижонда суд орқали ердан фойдаланиш ҳуқуқини берувчи қарорни чиқартириб беришни ваъда қилиб, 300 доллар олган шахс қўлга олинди
- Андижонда фуқарони Қирғизистонга ўқишга киритиб қўйиш эвазига 1,4 минг доллар сўраган университет ўқитувчиси қўлга олинди
- Бухорода ҳокимлик захирасидаги 16 сотих ерни 14 минг долларга сотишга уринган шахс ушланди
Изоҳ (0)