Ҳиндистонда Гаджеш Наик исмли 13 ёшли мактаб ўқувчиси криптовалюта инвесторлари учун бир нечта марказлаштирилмаган дастурларни яратди, деб хабар беради «Korrespondent.net».
«Ўтган йилдан буён, пандемия сабаб бир нечта машғулотлар тўхтатилгани сабаб сертификат берувчи онлайн-курслардан ўтишга қарор қилдим. Хусусан, Буффало университети, Нью-Йорк давлат университети курсларидан», — дейди ўқувчи.
Шундай қилиб у криптовалюта ва блокчейнни ўрганишни бошлаган, шундан кейин йигит ҳиндистонлик ўқувчиларнинг блокчейн ва криптовалюта борасидаги билимларини ошириш мақсадида онлайн-контент яратишга киришган.
Гаджеш Наик яратган асосий мобил дастурлар — PolyGaj ва StableGaj бўлиб, улар Polygon network тармоғида ишлаб чиқилган.
Эслатиб ўтамиз, 2021 йилнинг май ойида қозоғистонлик майнерлар солиқлар сабаб Ўзбекистонга кўчиб ўтиши мумкинлиги тўғрисида хабар берилганди. Бунга Қозоғистонда жойлашган майнинг фермалари ва дата-марказлари қўшимча солиққа тортилаётгани сабаб бўлган.
Изоҳ (0)