Мен оролида истиқомат қиладиган америкалик Эшли Колдуэлл 110 кило вазн ташлашга муваффақ бўлди. Аёл қандай қилиб бу натижага эришгани ҳақида айтиб берди, деб ёзади «Korrespondent.net».
Маълум қилинишича, аёл вазни 193,6 килони ташкил қилган. Унинг ўзи тўлалигини онасини йўқотганидан кейинги стресс ва доимий равишда фастфуд истеъмол қилиш билан боғлайди. Вазни сабаб самолётнинг эконом классидаги ўриндиқларга сиғмаган Эшлининг бизнес классдаги катта ўриндиқлар учун қўшимча пул сарфлашига тўғри келган.
Бу ҳали ҳаммаси эмас, у бошқалар сингари аттракционларда уча олмаган, кийимларини эса буюртма асосида тиктирган. Озгунича рационида нонушта бўлмаган Колдуэлл тамаддини печенье, шоколад ва сутли коктейл билан қилган. Тушлик ва кечки овқатга эса пишлоқли тост, фастфуд ва пончик истеъмол қилган.
Озишга қарор қилганидан кейин кунлик килокалория миқдорини, тахминан, 1200 гача қисқартирган. Углеводлар ва спиртли ичимликлардан воз кечган. Нонуштани иккита тухум ва қаҳва билан қилган аёл тушликка шўр карамел таъми келадиган бошоқли батончалар истеъмол қилган. Кечки овқатидан эса сабзавотли креветка ёки салат ўрин олган.
Изоҳ (0)