Instagram: Обид Асомов оиласининг Президентга миннатдорчилиги, Гулчеҳра Эшонқулова нима сабабдан ҳижобга кирди? Азиз Раметов бирга роль ижро этишни истамайдиган актриса

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Райҳон Ғаниева янги образда мухлисларига кўриниш берди.

СанЖай ўзи уюштираётган ҳашарларда уни қўллаб-қувватламаётган ҳамкасбларини «ватанпарварлик ҳисси йўқ» деб атади.

Отабек Умаров таниқли турк ошпази Нусретни туғилган куни билан табриклади.

Азиз Раметов қайси актриса билан партнёр сифатида ишлашни истамаслиги ҳақида гапирди.

Наргиза Салмонова турмуш ўртоғи билан катта ҳаётга қадам қўйганининг уч йиллигини нишонламоқда.

Муниса Ризаева ёш мухлисаси билан видеоқўнғироқ орқали учрашди. Қизалоқ севимли хонандасига унинг ижросидаги қўшиқни куйлаб берди.

Шаҳзода Муҳаммедова яқин кунларда Италияда бўлиб ўтадиган мода ҳафталигида Ўзбекистон номидан иштирок этади. У турмуш ўртоғи ҳамда қизи Милана билан Милан шаҳрига йўл олади.

Феруза Норматова баҳайбат ва ялтироқ айиққа айланиш жараёнини фолловерларига кўрсатди.

Болливуднинг энг таниқли актёр ва актрисалари дизайнер Маниш Малхотранинг хонадонида йиғилди.

Таниқли сўз устаси, марҳум Обид Асомовнинг рафиқаси ва қизлари илк марта унинг запретга тушгандаги руҳий ҳолати ҳақида гапирди. Шунингдек, қизиқчининг яқинлари запретдан чиқаргани учун Президентга миннатдорчилик ҳам билдирди.

Фарҳод ва Ширин дуэтидаги созанда Абдужаббор Ҳасанов вафот этди. Бу ҳақда шоир Бобур Бобомурод маълум қилди.

Ҳалима Ибрагимова яқинда кумуш тўйини нишонлашини ҳамда бунинг учун келин кўйлак танлаётгани ҳақида ҳазил пост ёзди.

Милена Мадмусаеванинг янги қўшиғига ишланаётган клипда унинг партнёри Йигитали Мамажонов бўлади.

Зарина Низомиддинова сочларини ўз ҳолига қайтариб, уларни қора рангга бўяди.

Оиласи билан АҚШда яшаётган актриса Гулчеҳра Эшонқулова мухлисларининг «Ҳижобга киришингизга нима сабаб бўлди?» қабилидаги саволларига видео орқали жавоб берди. Видеода актриса рўмол ўрашига нима туртки бўлгани ҳақида сўзлаб берди.