Беш ёшидаги аҳдига содиқ Лионель Месси ва унинг рафиқаси Антонелла Рокуссонинг севги ҳикояси

2021 йилнинг 5 август куни Лионель Месси «Барселона» футбол клуби билан янги шартнома имзоламаслиги маълум бўлди. Спортчи 2003 йилдан бошланган 18 йиллик фаолияти давомида дунёдаги энг яхши футболчилардан бирига айланиб улгурган, миллионлаб мухлисларга эга бўлган. Унинг муваффақиятларида ҳамиша ёнида бўлиб, қўллаб-қувватлаган рафиқасининг ҳам ҳиссаси катта.

Антонелла Рокуссо — Мессининг энг яқин дўстларидан бирининг амакиваччаси бўлган. Бўлажак футболчи 5 ёшидаёқ айнан шу қиз унинг рафиқаси бўлишини айтган. У вақтда қўшни бўлиб яшаган Антонелла ва Лео тез-тез бирга сайр қилган, бир-бири билан мактуб алмашган. Аммо вақти келиб уларнинг айрилишига тўғри келган. Мессининг отаси ўғли 13 ёшга тўлганида Росарио шаҳридан Барселонага кўчиб ўтишга қарор қилган. Айнан шу сабаб ўсмирлар ўртасидаги муносабатларга деярли чек қўйилган.

https://www.instagram.com/p/CQgWKa_pd8z/?utm_source=ig_embed&ig_rid=24c52eb5-14b0-43fe-976c-354e4ca1aae7

Бир неча йиллар давомида уларнинг ҳар иккиси ўз ҳаёти билан яшаган. Мактабни тамомлагач, университетга қабул қилинган Рокуссо парҳезшунос бўлишни мақсад қилган. Ижтимоий тармоқларда фаоллашган қизнинг ҳаётида бошқа бир инсон пайдо бўлган. Лионелнинг ҳам бу вақтга келиб ҳаётида ўзгаришлар юз берган. Футбол билан фаол равишда шуғулланган, 19 ёшида эса 14 яшар модель билан учрашаётгани ҳақида маълум бўлган. Аммо муносабатлар узоққа бормаган, кейинроқ эса Playboy журналининг модели Лусиана Саласар спортчининг янги қайлиғи бўлган. Мессининг ота-онаси ўғлининг танловини маъқул кўрмагани сабаб ушбу алоқалар ҳам узоққа бормаган.

https://www.instagram.com/p/CPjLc1GJgNb/?utm_source=ig_embed&ig_rid=d189412a-83e3-481e-a9bf-12a802ef0eb5

Антонелла учрашиб юрган дўсти билан турмуш қуришни режалаштирган, аммо йигит билан бахтсиз ҳодиса юз берган — дўкондан чиқаверишда уни мотоцикл уриб кетган. Юз берган воқеадан икки кун ўтиб Месси ва Рокуссо учрашган, футболчи болаликдаги дўстига далда бўлишни истаган. Ўша кундан буён жуфтлик бир-биридан деярли айрилмаган, муносабатлари эса аста-секинлик билан ривожлана бошлаган. Бир муддат вақт ўтиб ошиқ-маъшуқлар ҳақида бутун дунё хабар топган.

https://www.instagram.com/p/BwxzinpFiLe/?utm_source=ig_embed&ig_rid=79cd7361-ff4f-4d88-8f28-41b42b0649dc

Улар илк марта 2012 йилнинг 2 ноябрь куни фарзандли бўлган. Дунёга келган ўғил чақалоққа Тяго деб исм қўйилган. 2015 йилга келиб эса уларнинг оиласида яна бир бор кўпайиши кутилаётгани маълум бўлган. Кўп ўтмай ўртанча ўғли Матео таваллуд топган.

https://www.instagram.com/p/CSKxRXhKrUR/

2017 йилга келиб Лионель Месси Антонелла билан ришталарини никоҳ билан мустаҳкамлаган. Тўй 30 июнь куни футболчи туғилиб ўсган шаҳар Росариода бўлиб ўтган. Данғиллама маросимга дунёнинг футбол юлдузлари ва бошқа машҳурлар билан жами 250 нафар меҳмон ташриф буюрган. 2018 йилда эса жуфтлик учинчи марта ота-она бўлиш бахтига муяссар бўлган. Кенжа ўғилга Чиро деб исм қўйилган.

https://www.instagram.com/p/CNVjaLQpdxT/

Антонелла мунтазам равишда ижтимоий тармоқлардаги саҳифаси орқали умр йўлдоши ва фарзандлари билан бирга тушган суратларни бўлишиб келади. Месси иштирокидаги футбол ўйинларининг деярли барчасига ташриф буюриб, уни қўллаб-қувватлайди.

https://www.instagram.com/p/CLw1t5CpZpN/

Маълумот учун, Лионель Месси «Барселона»даги фаолияти давомида каталон клуби билан Испания чемпионатида 10, Испания Кубоги ва Суперкубогида 7, Чемпионлар Лигасида 4, Европа Суперкубогида ва клублар ўртасидаги Жаҳон Чемпионатида 3 мартадан ғалаба қозонган.