Нафақат Ҳиндистон, балки бошқа мамлакатдаги мухлислар қалбидан жой олишга улгурган Болливуд юлдузлари шарафига нималар аталгани ҳақида маълумот бериб ўтамиз.
Шоҳрух Хон
Актёрнинг шу қадар машҳур, истеъдодли ва мухлислар учун севимли экани сабаб Ойдаги кратерлардан бирига унинг исми билан аталган. Шундан келиб чиқиб Болливуд юлдузи Ойнинг бир бўлагига эгалик қилади деб айтиш мумкин.
Мадҳури Дикшит
Болливуд қироли Шохруҳ Хон бу борада ёлғиз эмас. Orion юлдуз туркумидаги юлдузлардан бири гўзал ва латофатли актриса шарафига аталган. Қолаверса, айнан шу туркумда Болливуд юлдузларидан бири саналган Шаҳид Капур номи билан аталган юлдуз ҳам бор.
Айшвария Рай
Айшвария дунёдаги энг гўзал аёллардан бири ҳисобланади. Шу сабаб ҳам Голландиядаги лоланинг турларидан бири актрисанинг исми билан аталган.
Капурлар оиласи вакиллари
Капурлар сулоласидан бўлган актёр ва актрисалар ҳам эътибордан четда қолмаган. Канада кўчаларидан бири Раж Капур шарафига номланган. Мумбайдаги энг эски театрлардан бири Притхвираж Капур шарафига — Притхви деб аталган. Қолаверса Канадада, машҳур композитор Ракҳа Раҳман номи билан аталган кўча ҳам бор.
Сонам Капур
Мумбайдаги кафелардан биридаги таомномада Сонам Капур номи билан аталган ширинлик бор. Шунингдек, Ҳиндистондаги бошқа бир машҳур ресторанда Санжай Датт шарафига номланган «Санжу Бабу» номли жўжали таомни буюртма бериш мумкин.
Амитабҳ Баччан
2000 йилларнинг бошланишида орхидея гулига Амитабҳ Баччаннинг исми берилган. Қолаверса, аввал Нага деб аталган шаршара ҳам кейинчалик актёр шарафига номланган.
Яш Чопра
Швейцарияда эса режиссёр шарафига номланган Чопра кўли бор.
Салмон Хон
«Жосуслар» (Ek Tha Tiger) фильмининг тасвирга олиш жараёнининг бир қисми Туркиянинг Мардин вилоятида бўлиб ўтган. Жамоаси билан биргаликда тез-тез ташриф буюрган маҳаллий кафелардан бири кейинчалик Салмон Хон шарафига номланган.
Мавзуга доир:
Изоҳ (0)