Америкалик қўшиқчи Бритни Спирс ўзининг Instagram’даги саҳифаси орқали iPad’дан фойдаланишни бошлаганини эълон қилди. Поп-юлдуз янги гаджет билан ҳаёти мутлақо бошқача тус олганини маълум қилган, деб ёзади «Korrespondent.net».
«Дўстлар, менда катта янгиликлар бор. Бугун ўзимнинг биринчи iPad’имни қўлга киритдим. Жуда хурсандман! Фарзандларимнинг iPad’и бор эди, лекин мен ўзимникини ҳозиргина олдим. Бу ажойиб кун! Доим кичкина телефон ишлатганман, бироқ энди iPad’им бор ва ҳаётим ўзгараётганини ҳис қиляпман. Жуда ҳаяжондаман», — дейди Бритни.
Қўшиқчи шу вақтга қадар нима сабабдан планшет ишлатмагани номаълум, унинг мухлислари буни Спирсга белгиланган васийликнинг қаттиқ талабларига боғламоқда.
Эслатиб ўтамиз, 2008 йилда хонанда билан боғлиқ руҳий муаммолар сабаб нафақат маблағлари, балки шахсий ҳаёти ва ишини ҳам назорат қилган отаси Жеймс унга васий этиб тайинланган. 2021 йилнинг июлида эса суд Бритни Спирснинг ўз отасини васийликдан озод этиш борасидаги сўровини рад этганди.
Изоҳ (0)