Токио—2020 Олимпиадасининг баландликка сакраш мусобақасида бир йўла икки спортчи олтин медалга эга чиқди.
Қатарлик спортчи Мутаз Эсса Баршим ва Италия вакили Жанмарко Тамбери бир хил натижа қайд этган — 2,37 метр.
Ташкилотчилар икки спортчига қўшимча уринишни амалга оширишни таклиф қилган. Баршим «Иккимизга ҳам олтин медал бера оласизми?», деб сўраган. Расмий ходим «Ўзингиз ҳал қилинг. Агар шуни хоҳласангиз...», дея жавоб берган. Баршим эса италиялик спортчига мурожаат қилган: «Тарихда қоламиз, дўстим». Шундан сўнг улар ўзаро келишган ҳолда қўшимча уринишда иштирок этмайдиган бўлди. Шу тариқа ҳар икки спортчига олтин медал тақдим этилди.
Қайд этиш керак, бу Қатар делегацияси учун Олимпия ўйинлари тарихидаги иккинчи олтин медал бўлди. Тарихдаги биринчиси ҳам айнан Токиодаги ўйинларда қўлга киритилганди: 31 июль куни оғир атлетикачи Фарес Иброҳим Қатарга илк олтинни тақдим этган.
Мавзуга доир:
- Токио—2020. Франциялик боксчи ҳакамлар қароридан норози бўлиб, 1 соат давомида рингни тарк этмади. Бу жангда Баҳодир Жалоловнинг ярим финалдаги рақиби аниқланганди
- Беларусь ҳукумати Токио—2020 Олимпиадасида ҳали иштирокини бошламаган спортчини зўрлик билан мамлакатга қайтаришга урингани айтилди. Вазиятга ХОҚ аралашди
Изоҳ (0)