Япониянинг Токио шаҳри мезбонлик қилаётган Олимпия ўйинларида 2 август куни икки нафар ўзбекистонлик спортчи ўз иштирокини ўтказди.
Енгил атлетика
Босқон улоқтириш бўйича Ўзбекистон терма жамоаси вакили Суҳроб Хўжаев саралаш баҳсларида иштирок этди. А гуруҳида иштирок этган спортчи 71,26 метр натижа қайд этиб, сўнгги (15) ўринда қолиб кетди. Қайд этиш керак, Хўжаев бу борада Олимпия ўйинларидаги шахсий натижасини яхшилаб олди. Суҳроб аввал Лондон—2012 ва Рио—2016 Олимпиадаларида ҳам қатнашиб, 65,88 ва 70,11 метр натижа кўрсатган эди.
Юнон-рум кураши
Жалғасбай Бердимуратов (-77 кг) арманистонлик Карапет Чалянга қарши баҳс олиб борди. Унда Арманистон вакили 5:0 ҳисобида ғалаба қозонди. Кейинчалик Чалян финалга қадар етиб бора олмади ва Бердимуратов бронза медали учун курашда иштирок этиш имкониятидан қуруқ қолди.
Шу тариқа ушбу спорт тури бўйича Токио—2020 Олимпиадасига йўлланма олган тўрт нафар ўзбекистонлик курашчидан уч нафари ўз иштирокини якунлади. 3 август куни Рустам Ассакалов ўз иштирокини ўтказади.
Изоҳ (0)