Тошкент вақти билан 2 август тонгида КОНКАКАФ Олтин Кубоги—2021 мусобақасининг финал баҳси бўлиб ўтди.
Ҳал қилувчи ўйинда АҚШ ва Мексика терма жамоалари ўзаро тўқнаш келди. Учрашувнинг асосий вақти нурсиз дуранг билан якун топди. Қўшимча бўлимлар якунланиб бораётган бир вақтда Майлз Робинсон америкаликларнинг ғалаба тўпини киритди.
Қайд этиш керак, АҚШ ушбу мусобақада Европада тўп сурадиган бир қатор етакчи ўйинчиларисиз қатнашди. Улар ярим финалда Қатарни енгган бўлса (1:0), Мексика термаси Канададан устун келганди (2:1).
https://www.instagram.com/p/CSDrE2fBCkx/
Шу тариқа АҚШ 7 марта Шимолий Америка чемпионига айланди. Бу борада етакчи Мексика ҳисобланади, улар ҳисобида 11 та соврин бор.
КОНКАКАФ Олтин Кубоги
Финал
2 август, душанба
АҚШ — Мексика 1:0
Гол: 1:0 – 117 Робинсон.АҚШ: Тернер, Белло (Вайнс, 65), Кеннон (Мур, 65), Робинсон, Уильямсон (Бусио, 87), Сендс, Летҳет (Ролдан, 66), Акоста, Арриола (Жоаккини, 87), Ҳопп (Кесслер, 120), Зардес.
Мексика: Талавера, Араухо, Родригес, Морено (Сальседо, 44; Сепулведа, 105), Альварес, Дос Сантос (Гутеррес, 76), Гальярдо, Пинеда (Писарро, 76), Эррера, Корона (Родригес, 90), Фунес Мори (Пулидо, 105).
Огоҳлантиришлар: Эррера (72), Акоста (113), Гальярдо (114), Альварес (117).
Изоҳ (0)