Бугун,

  • USD 11095.31
  • RUB 173.84
  • EUR 10772.44

Кийим ёки пойабзалга доғ тегса, қуйидаги усулларни синаб кўриш тавсия қилинади.

Фото: Getty Images

Фото: Getty Images

Замш пойабзал

Замш пойабзалингиз лой бўлган бўлса, оддий идиш ювадиган губка масалага ечим бўлиши мумкин. Дастлаб қаттиқ тарафи билан эҳтиёт бўлган ҳолда артиб кўринг. Қолдиқларини эса қаттиқ чўтка билан тозалаб ташланг.

Янги чиқадиган янги жинси

Тирноқларингизга янги жинсининг ранги ўтаётганини пайқасангиз, 1 ош қошиқ туз ва сирка қўшилган совуқ сувга кийимингизни солиб қўйинг. Бир неча дақиқадан кейин муаммо бартараф бўлади.

Чарм оёқ кийим

Ёмғирдан кейин чарм оёқ кийимдаги доғдан қолган изларни кетказишда сиркали эритмадан фойдалансангиз бўлади. Бунинг учун суюқликни пуркагич орқали пойабзалга сепинг. Кейинроқ юмшоқ латта билан артиб ташланг.

Шимдаги замок ёпилмаса

Ёпилмай қолган замок бўйлаб соч лакини сепиб чиқинг. Кейин дарҳол ёпишга ҳаракат қилинг. Бироздан кейин муаммо ўз ечимини топганига гувоҳ бўласиз.

Колготка

Колготкада тортилиб қолиш ёки унча катта бўлмаган чизиқ кузатилса, ўша жойга соч лакини сепиш тавсия қилинади. Бу кечгача чоклар сўкилиб кетмаслигини таъминлайди.

Қизил винодан қолган доғ

Қизил винодан қолган изни ювиш воситалари билан кетказиш қийин, лекин оқ вино билан доғни нейтраллаштирса бўлади. Шундан кейин ҳеч иккиланмасдан кир ювадиган машина ичига солишингиз мумкин – доғдан асар ҳам қолмаганига гувоҳ бўласиз.

Намиққан пойабзал ҳиди

Ёмғир ёки бошқа сабаб бўлин ҳўл бўлган оёқ кийимдан ёқимсиз ҳид анқиши ҳеч кимга сир эмас. Бундай вазиятда пойабзални қуритиб кейин музлаткич ичига бир кунга қўйиш тавсия қилинади. Агар бу иш бермаса, ички қисмини водород пероксиди билан артиб кўринг. Аммо бундан аввал суюқликни пойабзалнинг кўзга ташланмайдиган қисмида синаб кўринг.

Дезодорантдан қолган доғ

Қора кийимда дезодорантдан қолган оқ доғни нам салфетка билан артиб кўринг.

Косметик воситаларидан қолган из

Кийимлардаги косметик воситаларидан кейин қолган доғ устига эркаклар соқол олишда фойдаланадиган крем суртиб бир неча дақиқага қолдиринг. Кейин эса нам салфетка билан артиб ташланг.

Қаҳва дўғи

Кийимга қаҳва тўкилиши билан ўша қисмга тиш ювиш пастасини суртиб қўйинг. Бу доғни буткул кетиш имконини кўпайтиради.

Дезодорантдан қолган сариқ доғ

Оқ кийимлардаги дезодорантдан кейинги сарғайишни ичимлик содаси ва тиш ювиш пастаси қўшилган аралашма билан бартараф қилса бўлади. Бунинг учун кийимнинг ўша қисмига аралашмани суртиб 10-15 дақиқага қолдириш керак. Шундан кейин шунчаки ювиб ташлашнинг ўзи кифоя.

Сақич

Ёпишиб қолган сақични қўл билан олиб ташлашга уринманг. Устига 20-25 дақиқа туриши учун муз бўлаги қўйинг. Кейин пичоқ билан қириб ташласангиз бўлади.

Куядан кейин қолган тешик

Куя тушганидан кейин севимли свитерингиздаги тешикларни қизиқарли «аппликация»лар билан безанг. Ой, қуёш, нақш, ёки кўз ва лабларни бошқа матода тикиб устини тош ҳамда патлар билан безасангиз бўлади.

Терлагандан кейин қолган доғ

Кийимдаги терлагандан кейинги доғни кетказиш учун лимон шарбатидан фойдаланинг. Аммо матонинг лимон кислотасига сезувчанлигини текшириб кўришни унутманг.

Оёқ кийимни оқартириш

Спорт пойабзалининг таг қисми аввалгидек оппоқ бўлишини истасангиз, уни лак ўчирадиган суюқлик билан артиб кўринг. Ичимлик содаси қўшилган тиш ювиш пастаси ҳам бу борада яхши самара беради.

Изоҳ
Asosiy yangiliklar
Дунё
«Муҳандислар хатолиги» — болалар устига қулаган бассейн томи, Москвада учувчилар айби билан ҳалокатга учраган самолёт, совет—фин урушининг якунланиши. Кун хронолог...
Маҳаллий
Қўқонда вояга етмаган қиз хонадондан 1,5 млн сўмлик тилла узук ўғирлади
Спорт
Лионель Месси мундиалдаги голлар бўйича Марадонага етиб олди. Аргентиналиклардан фақат бир футболчи ундан олдинда