Тошкентнинг Юнусобод туманида 17 ёшли йигит Nexia-2 уриб юбориши оқибатида вафот этди. Бу ҳақда пойтахт ИИББ матбуот хизмати хабар берди.
26 июль куни тахминан соат 18:30 да Янги Юнусобод кўчасида С.Х. Nexia-2 бошқариш давомида йўлни белгиланмаган жойдан кесиб ўтаётган пиёдани уриб юборган.
ЙТҲ оқибатида 2004 йилда туғилган пиёда А.Т. бадан шикастлари билан шифохонага етказилган, аммо тиббиёт ходимларининг саъй-ҳаракатларига қарамасдан, вафот этган.
Хабарда айтилишича, ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) бўйича жиноят иши қўзғатилди. Тергов олиб борилмоқда.
Аввалроқ Тошкентнинг Яшнобод туманида Matiz уриб юбориши оқибатида 65 ёшли фуқаро, Миробод туманида 20 ёшли аёл бошқарувидаги Tracker уриб кетиши оқибатида 56 ёшли пиёда воқеа жойида вафот этганди.
Изоҳ (0)