Бокс бўйича -69 кг вазн тоифасида Ўзбекистон шарафини ҳимоя қилаётган Бобоусмон Ботуров 27 июль куни Токио—2020 Олимпиадасидаги иштирокини бошлади.
1/8 финалда Бобоусмон доминиканлик Поландо Роҳанга қарши баҳс олиб борди. Дастлабки раунд тўлиқ Ботуровнинг устунлигида ўтди. Иккинчи раундни ҳакамлар Роҳан фойдасига ҳал қилди. Учинчи раундда эса ўзбекистонлик боксчи фаоллик кўрсатди ва якунда ғалаба қозонди.
Бобоусмон чорак финалда 30 июль куни Буюк Британия вакили Пет Маккормакка қарши жанг қилади.
26 июлда Шаҳобиддин Зоиров ва Фанат Қаҳрамонов 1/8 финал йўлланмасини қўлга киритганди. 25 июль куни эса Турсуной Раҳимова, Элнур Абдураимов ва Дилшод Рўзметов ўз жангларини ғалаба билан якунлаб, кейинги босқичга йўл олганди.
Изоҳ (0)