Boks bo‘yicha -52 kg vazn toifasida O‘zbekiston sharafini himoya qilayotgan Shahobiddin Zoirov 26-iyul, dushanba kuni Tokio—2020 Olimpiadasidagi ishtirokini boshladi.

Foto: Getty Images

Rio—2016 Olimpiadasi chempioni 1/16 finalda turkiyalik Botuxon Chifchini 5:0 hisobida mag‘lub etdi va nimchorak finalga yo‘l oldi.

Zoirov keyingi bosqichda Kabo-Verde vakili David De Pinaga qarshi ringga ko‘tariladi.

25-iyul kuni uch nafar o‘zbekistonlik bokschilar: Tursunoy Rahimova, Elnur Abduraimov va Dilshod Ro‘zmetov o‘z janglarini g‘alaba bilan yakunlab, keyingi bosqichga yo‘l olgandi.