Профессионал футбол Лигаси (ПФЛ) футбол бўйича Ўзбекистон Суперлигаси ўйинлари мухлисларсиз стадионларда ўтказилишини маълум қилди.
Бунга Республика махсус комиссиясининг 5 июлдаги қарори асос бўлган. Ушбу қарорда очиқ майдонлар ёки ёпиқ мажмуаларда бўлишидан қатъи назар, Ўзбекистонда барча турдаги оммавий байрам тадбирлари, спорт мусобақалари, шунингдек, концерт, фестиваль, театр ва кино дастурлари вақтинча тўхтатилиши белгиланган. Бироқ спорт турлари бўйича мусобақалар мухлисларсиз ўтказилишига рухсат этилганди.
Шу тариқа ПФЛ тасарруфидаги барча мусобақалар, шу жумладан, Суперлига ўйинлари ҳам мухлисларсиз ўтказилади.
Айни вақтда Суперлига клублари ёзги танаффусда бўлиб турибди. 30 июль кунидан чемпионат баҳслари давом эттирилади.
Эслатиб ўтамиз, 2020 йилда коронавирус сабаб Суперлига баҳслари икки бор тўхтаб қолганди. 2020 йилнинг июнь ойидан кузга қадар Суперлига учрашувлари мухлисларсиз стадионларда ўтказилганди.
Изоҳ (0)