Дзюдо бўйича -81 кг вазн тоифасида Ўзбекистон шарафини ҳимоя қилаётган Шарофиддин Болтабоев 27 июль куни Токио—2020 Олимпиадасининг 1/4 финалида иштирок этди.
Болтабоевга ушбу босқичда австриялик Шамил Борчашвили рақиблик қилди. Ушбу баҳсда ҳам беллашувнинг асосий вақтида кучлар тенг келди. «Олтин очко»ни эса австриялик спортчи қўлга киритди. Эндиликда Болтабоев бронза медали учун баҳсларга киришади. У ўтиш жангида грузиялик Тато Григалашвили билан курашади. Ушбу баҳс Тошкент вақти билан 13:30 дан сўнг бошланиши кутилмоқда.
Шарофиддин 1/8 финалда болгариялик Ивайло Ивановга қарши баҳс юритиб, «олтин очко» эвазига ғалабага эришган бўлса, 1/16 финалда вануатулик Уго Кумбони мағлубиятга учратганди.
Аввалроқ -63 кг вазн тоифасида ҳаракат қилаётган дзюдочи Фарангиз Ҳожиева Кабо-Верде вакили Сандрин Биллетга мағлуб бўлиб, Олимпиададаги иштирокини якунлаганди.
Изоҳ (0)