Дзюдо бўйича -81 кг вазн тоифасида Ўзбекистон шарафини ҳимоя қилаётган Шарофиддин Болтабоев 27 июль куни Токио—2020 Олимпиадасининг бронза медали учун ўтиш баҳсида иштирок этди.
Болтабоев ушбу баҳсда грузиялик Тато Григалашвилига қарши татамига чиқди ва вазари баҳоси билан имкониятни бой бериб қўйди. Шу тариқа Шарофиддин ҳам мусобақани медалсиз якунлади.
У 1/8 финалда болгариялик Ивайло Ивановга қарши баҳс юритиб, «олтин очко» эвазига ғалабага эришган бўлса, 1/16 финалда вануатулик Уго Кумбони мағлубиятга учратганди.
Бунгача -63 кг вазн тоифасида ҳаракат қилаётган дзюдочи Фарангиз Ҳожиева Кабо-Верде вакили Сандрин Биллетга мағлуб бўлиб, Олимпиададаги иштирокини якунлаганди.
Таэквондочи Светлана Осипова эса 1/8 финалда қозоғистонлик Жанзел Денизга қарши жанг қилиб, сўнгги сонияларда мағлубиятга учраганди.
Изоҳ (0)