Volkswagen Uzbekistan янги Skoda Octavia ва Skoda Superb моделларини сотувга чиқаришни режалаштирмоқда. Бу ҳақда компания сайтига таяниб, Spot хабар берди.
Ўзбекистонда Volkswagen компаниясининг 4 та модели Caddy 5, Crafter, Skoda Octavia ва Tiguan ишлаб чиқарилиши тўғрисида 2019 йилда хабар берилганди.
2021 йилнинг апрелида эса Ўзбекистонга 150 от кучига эга 1,4 литрли турбо двигателлар варианти олиб келинганди. Келажакда ҳажми 2,0 литрга тенг двигатель моделларини олиб келиш режалаштирилган.
Superb модели — бу D бизнес-тоифасига кирувчи автомобиль. Модель 2021 йилда VW Passat B8 автомобилининг базаси ҳисобланувчи MQB модули асосида лойиҳаланган.
Motor гаммаси тўртта бензин агрегатидан иборат:
- DSG-7’га эга 150 от кучига эга 1,4 литрли TSI;
- DSG-7 билан жуфтликда 190 от кучига эга 2,0 литрли TSI;
- DSG-6 билан 220 от кучига эга 2,0 TSI;
- DSG-6 ва тўлиқ узатма билан жуфтликда 280 от кучига эга 2,0 литрли TSI.
Ҳозирча Ўзбекистонда 2015 йили ишлаб чиқилган тўртинчи авлод автомобиллари сотилади. 2021 йилдан бошлаб Жиззахда бешинчи авлод автомобилларини ишлаб чиқариш ва сотувга чиқариш режалаштирилган.
Изоҳ (0)