Тошкент шаҳар Шайхонтоҳур туманида 24 июль куни сувда чўкаётган 2 ёшли бола ва унинг онаси қутқариб қолинди, дея хабар бермоқда Мудофаа вазирлиги.
Маълум қилинишича, воқеа соат 17:30 да тумандаги Анҳор каналида содир бўлган. Она ва бола сувда чўкаётганда Мудофаа вазирлиги ҳарбий хизматчиси томонидан қутқариб қолинган.
Она ва болага тиббий ёрдам кўрсатилди, ҳозирда она-боланинг аҳволи қониқарли, ҳарбий врачлар назоратида.
Ҳарбий хизматчи юқори қўмондонлик томонидан рағбатлантиришга тавсия этилди.
Бундан аввал Намангандаги Норин дарёсида чўкаётган уч кишининг икки нафари қутқарилди, яна бирининг жасади олиб чиқилгани, Фарғонада эри билан жанжаллашиб, ўзини Катта Фарғона каналига ташлаган 22 ёшли аёлнинг жасади уч кундан сўнг топилгани ҳамда Хоразмда каналга тушиб кетган 82 ёшли онахон қутқарилгани ҳақида хабар берилганди.
Изоҳ (0)