Тошкент вилоятида 1999 йил 16 февраль куни содир бўлган воқеалар бўйича судланган шахслар оқланди, дея хабар қилмоқда вилоят суди.
Қайд этилишича, 24 июль куни жиноят ишлари бўйича Тошкент вилояти судида 1999 йил 16 февраль воқеаларига алоқадорлиги юзасидан судланган 5 нафар шахсга оқлов ҳукми эълон қилинди.
Оқланган 5 нафар фуқарога 1999 йилда 3 йилга озодликдан маҳрум этиш жазоси белгиланган эди.
1999 йилда ўтган суд ҳукмидан норози бўлган 5 нафар шахс орадан 22 йил ўтиб судга аппеляция шикояти билан мурожаат қилган.
22 йил аввал, 1999 йилда уларга Жиноят кодексининг 208-моддаси, яъни ҳокимият ҳаракатсизлиги, яъни давлат органи мансабдор шахсининг ўз хизмат вазифаси юзасидан бажариши лозим ёки мумкин бўлган ҳаракатларни қасддан бажармаслиги бўйича айблов қўйилган.
Шунингдек, улар 1999 йилда Ўзбекистон Президентининг «9 май Хотира ва қадрлаш куни» деб эълон қилиниши муносабати билан амнистия фармонини 2-моддаси татбиқ этилиб, тайинланган жазони ўташдан озод қилинган.
Мавзуга доир: Фото: Кетма-кет беш портлаш, теракт жойидаги Ислом Каримов. Бундан 22 йил аввал Тошкент ларзага келган эди
Изоҳ (0)