Toshkent shahar Shayxontohur tumanida 24-iyul kuni suvda cho‘kayotgan 2 yoshli bola va uning onasi qutqarib qolindi, deya xabar bermoqda Mudofaa vazirligi.
Ma’lum qilinishicha, voqea soat 17:30 da tumandagi Anhor kanalida sodir bo‘lgan. Ona va bola suvda cho‘kayotganda Mudofaa vazirligi harbiy xizmatchisi tomonidan qutqarib qolingan.
Ona va bolaga tibbiy yordam ko‘rsatildi, hozirda ona-bolaning ahvoli qoniqarli, harbiy vrachlar nazoratida.
Harbiy xizmatchi yuqori qo‘mondonlik tomonidan rag‘batlantirishga tavsiya etildi.
Bundan avval Namangandagi Norin daryosida cho‘kayotgan uch kishining ikki nafari qutqarildi, yana birining jasadi olib chiqilgani, Farg‘onada eri bilan janjallashib, o‘zini Katta Farg‘ona kanaliga tashlagan 22 yoshli ayolning jasadi uch kundan so‘ng topilgani hamda Xorazmda kanalga tushib ketgan 82 yoshli onaxon qutqarilgani haqida xabar berilgandi.
Izoh (0)