«Президент, ижод ва ихтисослаштирилган мактаблар фаолиятини янада такомиллаштириш бўйича қўшимча чора-тадбирлар тўғрисида»ги президент қарори қабул қилинди.
Унга кўра, Президент, ижод ва ихтисослаштирилган мактабларни ривожлантириш агентлиги — Президент таълим муассасалари агентлиги этиб қайта номланди.
Қарорда келтирилишича, 2021/2022-ўқув йилидан қуйидагиларга тест синовларисиз ва қўшимча имтиҳонларсиз ўқишга кириш ҳуқуқи берилади:
- президент мактаблари битирувчиларига давлат олий таълим ташкилотларига умумий белгиланган давлат гранти асосидаги қабул кўрсаткичларига нисбатан қўшимча давлат гранти асосида;
- агентлик тизимидаги ихтисослаштирилган мактабларнинг битирувчиларига ихтисослик йўналишидан келиб чиқиб давлат олий таълим ташкилотларининг кимё, биология, физика ва ахборот технологиялари соҳалари учун кадрлар тайёрлайдиган бакалавриат таълим йўналишларига умумий белгиланган қабул параметрларидан ташқари базавий тўлов-контракт асосида;
- агентлик тизимидаги ижод мактабларининг битирувчиларига ихтисослик йўналишидан келиб чиқиб давлат олий таълим ташкилотларининг тилшунослик, адабиёт, педагогика, таржимонлик, журналистика соҳалари учун кадрлар тайёрлайдиган бакалавриат таълим йўналишларига умумий белгиланган қабул параметрларидан ташқари базавий тўлов-контракт асосида.
2021–2025 йилларда агентлик тизимида 13 та янги ихтисослаштирилган мактаб қурилади ва 5 та ижод мактаби таъмирланади.
2021 йил 1 сентябргача агентлик тизимидаги ихтисослаштирилган мактабларда алоҳида таълимга эҳтиёжи бўлган болалар учун инклюзив IТ таълим жорий қилинади.
Агентлик ҳузурида юридик шахс мақомидаги Педагогик маҳорат ва халқаро баҳолаш маркази ташкил этилади.
Мавзуга доир:
- Намангандаги Президент мактабини 24 нафар илк битирувчи тамомлади. Уларнинг барчаси чет элдаги етакчи университетларга муддатидан аввал қабул қилинди
- 1 миллион долларлик грант ютган, энг кучли иқтисодчи ва халқ таълими вазири бўлишни орзу қилган ўқувчилар. Президент мактабининг илк битирувчилари билан суҳбат
- «Янги Ўзбекистон университетида фақат Президент мактаби битирувчилари ўқийди, деган хулосага ўрин йўқ» – Шерзод Асадов
Изоҳ (0)