Қашқадарё вилояти Қарши шаҳрида содир бўлган йўл-транспорт ҳодисаси оқибатида бир нафар йўловчи ҳалок бўлди. Бу ҳақда ИИВ ЙҲХББ ахборот хизмати хабар берди.
Маълум қилинишича, 20 июль куни соат 22:00 ларда «Каманда» МФЙ ҳудудидан ўткувчи 4Р-92 Қарши—Таллиқўрғон—Женов—Помиқ автомобиль йўлининг 1-километрида Nexia-3 ва «ВАЗ-2106» автмобиллари иштирокида ЙТҲ содир бўлган.
Авария оқибатида «ВАЗ-2106» ичида бўлган йўловчи оғир тан жароҳатларидан вафот этган, машина ҳайдовчиси эса шифохонага ётқизилган.
Қайд этилишича, авария Nexia-3’нинг мумкин бўлмаган жойдан қувиб ўтишга урингани оқибатида юзага келган.
Ҳолат юзасидан Жиноят кодексининг 266-модда (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган, ҳозирда суриштирув ҳаракатлари олиб борилмоқда.
Аввалроқ Сурхондарёда юк машинаси ва икки Nexia иштирокидаги ЙТҲ оқибатида йўловчи ҳалок бўлгани, Тошкентда 5 та автомобиль иштирокида ЙТҲ содир бўлгани, Паркентда тормози ишдан чиққан Howo юк машинаси 7 та автомобиль билан тўқнашгани тўғрисида хабар берилганди.
Изоҳ (0)