Буюк Британияда BMW рекламаси радиода кутилмаган сабаб туфайли тақиққа учради. Тингловчилардан бири маҳаллий Реклама стандартлари бошқармасига (ASA) двигатель катта айланишлар вақтида жуда қаттиқ овоз чиқаришидан шикоят қилган — эркак BMW’нинг реклама ролиги «масъулиятсиз бошқарув»га ундаши мумкин деб ҳисоблаган. Амалдорлар шикоят муаллифининг фикрига қўшилган ва эфирдан баҳсли рекламани олиб ташлаш бўйича қарор қабул қилган, BMW эса бунга бўйсунишга мажбур, деб хабар беради Motor.
Тақиққа бир қарашда ҳеч қандай нуқсони бўлмаган реклама ролиги тушган. Аудиойўлак моторнинг базўр эшитиладиган овозидан бошланади, шундан сўнг, кадр ортидаги овоз «У ҳаракатланиш вақтида қандай эканини таърифлашда баландпарвоз сўзлардан фойдаланишимиз мумкин эди. Аммо сиз ростдан ҳам эшитишни истаган нарса, бу…», — жумла давомида двигателнинг ортиб бораётган товуши эшитилади.
Yahoo маълумотларига кўра, шикоятга сабаб бўлган двигатель товуши 30 сонияли роликда бир сониядан камроқ вақтни эгаллаган. BMW ўзини оқлашга уринган, бироқ Реклама стандартлари бошқармаси рекламани эфирдан олиб ташлаш бўйича қарор қабул қилган. ASA қоидаларига кўра, автомобиль рекламаси хавфли бошқарувни ва йўлларда масъулиятсиз ҳаракатланишни тарғиб қилмаслиги лозим.
BMW ASA’нинг қарорига бўйсунган ва рекламани эфирган олган. Марканинг Буюк Британиядаги офиси ролик бу каби кўринишда бошқа трансляция қилинмаслигини тасдиқлаган.
Изоҳ (0)