АҚШнинг Жоржия штатида юк машинаси кўтарилган тиркамаси билан эстакадага урилиб, уни икки метрга силжитиб юборди. Эндиликда эстакадани бузиб ташлаб, қайтадан қуришга тўғри келади — конструкцияни таъмирлашнинг имкони йўқ. Ҳозирча эса магистрал иккала йўналиш бўйича тўлиқ ёпилган, ҳайдовчилар ўнлаб километрли айланма йўлдан ҳаракатланишга мажбур, деб хабар беради Motor.
Катта самосвал-ярим тиркамали юк машинаси тунги соат 03:00 да Жоржия штатининг I-16 автомагистралидаги штатлараро эстакадага келиб урилган. Ярим тиркаманинг кузови кўтарилган бўлгани сабаб у эстакада келиб урилган. Зарба шу қадар кучли бўлганидан эстакада 1830 миллиметр ёнга силжиб кетган. Юк машинаси кузови кўтарилган ҳолда бутун йўл бўйлаб ҳаракатланганми ёки у кейинчалик кўтарилганми номаълум. Тиркамани қайта тиклаб бўлмайди, машинага эса деярли ҳеч нарса қилмаган — худди ҳайдовчи каби. Авария оқибатида 16-автомагистрал бўйлаб ҳаракат тўлиқ ёпилган.
Эстакада Саванна ва Мейкон шаҳарлари орасига йўлнинг тахминан ўртасида жойлашган. Жоржия штати Транспорт департаменти комиссари Расел Макмеррининг маълум қилишича, магистрални қайта очининг энг тез йўли — эстакадани бузиб ташлаб, қайтадан қуриш. Бузиш ишлари 21 июлга санасига режалаштирилган, янги эстакада қачон қурилиши эса ҳозирча аниқ эмас.
Эслатиб ўтамиз, 2019 йилда Россиянинг «Сигранд» юк кемаси Жанубий Кореянинг Пусан шаҳридаги автомобиль кўпригига урилганди. Кейинроқ кема капитанининг қонида кўп миқдорда алкоголь борлиги аниқланган эди.
Изоҳ (0)