20 июль куни олинган сара суратларни намойиш қиламиз.
Ғазода ҳайит байрамида пуфак кўтариб олган фаластинлик қизча. Фото: «ТАСС»
Amazon ва Blue Origin асосчиси Жефф Безос ва яна уч киши Техаснинг ғарбий қисмида жойлашган хусусий космодромидан суборбитал парвозни муваффақиятли амалга оширди. Бундан аввал британиялик миллиардер Ричард Бренсон коинотга парвоз қилганди. Фото: AP Photo
Андижондаги ҳовлида қурбонликка сўйилган ҳайвонларнинг гўштига қараб турган мушукча. Фото: Twitter / @AndijonlikBegali
Коронавирусга чалиниш ҳолатлари бўйича дунёда 3-ўринда турган Бразилиянинг (19 391 845 киши) Рио-де-Жанейро шаҳрида скелет тасвири туширилган ниқоб тақиб олган уйсиз. Фото: Getty Images
Тошкент туманидаги кушхоналардан бирида Қурбон ҳайити куни қурбонликка келтирилаётган қўй. Фото: «Дарё» / Мусулмонбек Иброҳимов
Ғазода Қурбон ҳайити намози ўқиётган жамоат орасида турган бола. Фото: «ТАСС»
Япониялик коллекционер Руҳей Нискуба олимпиадага тегишли эсдалик нишонларини Токио–2020 Олимпия ўйинлари олдидан намойиш этмоқда. Фото: Reuters
Жакарта шаҳрида қурбонликка сўйилиши керак бўлган қўйлар яқинида Зуҳо намозини адо этаётган аёллар. Индонезия ҳукумати Қурбон ҳайити намозини масжидларда жамоат бўлиб ўқишни тақиқлади. Фото: Getty Images
Баготада аскарлар Ҳалок бўлган қаҳрамонлар ёдгорлиги олдида мотам тутмоқда. Фото: AFP
Қуддусда Қурбон ҳайити байрамини нишонлаётган одамлар. Фото: «ТАСС»
Австрияда сув босган ўтлоқ ўртасидаги шийпонда турган сигирлар. Фото: AFP
Москвадаги ийд намози фақат имомлар, муаззинлар ва муфтий ўринбосарлари иштирокида жоме масжидида адо этилди. Фото: «ТАСС»
Сан-Салвадор шаҳрида ҳудудий назорат режасини тузиш маросимида қатнашаётган Салвадор ҳарбийлари. Фото: Reuters
Макка шаҳрида Қурбон ҳайити куни Қуръонни ўқиб ўтирган муслима. Фото: «ТАСС»
Жянгсу провинциясидаги сув ҳавзасида қурилган электр станциясида қуёш панелларини текшираётган ишчилар. Фото: AFP
Истанбулдаги Фотиҳ масжидида ижтимоий масофа сақлаб Қурбон ҳайити намозини ўқиш учун йиғилган мусулмонлар. Фото: Getty Images
Барселона шаҳри соҳилида махсус пўкаклар кийиб олган 80 ёшли Мануэль Молина пляж ходимлари ёрдамида денгизга тушмоқда. Фото: Reuters
Москва яқинидаги Жуковскийда ўтказилган МАКС-2021 аэрокосмик кўргазмасида намойиш этилган бешинчи авлод енгил кўп функцияли бир двигателли янги Checkmate қирувчиси самолёти прототипи. Фото: EPA
Ғазода Қурбон ҳайитидан кейин кўчаларни тозалаш ишлари. Фото: Getty Images
Германиянинг Болтиқ денгизи соҳилларида ёввойи табиат қўйнига қўйиб юборилган тюлен боласи. Фото: Getty Images
Сидней марказидаги локдаун таъсири доирасига киритилмаган ишбилармонлик ҳудудида озиқ-овқат қолдиқларини олиб кетаётган чағалайлар. Фото: EPA
Никарагуада 1979 йил диктатор Анастасио Сомоза ағдариб ташланган Сандинистия инқилобининг 42 йиллиги нишонланмоқда. Фото: «ТАСС»
Покистоннинг Лаҳор шаҳрида муссон ёмғирларининг оқибатида кўчалар сувга тўлди. Фото: EPA
Бангкокда коронавирус билан касалланганлар сонининг кўпайиши муносабати билан янги карантин чекловлари жорий этилди. Фото: AP Photo
Сеулда жазирама пайтида истироҳат боғида ўрнатилган музлатгичдан сувни олиб кетаётган аҳоли вакили. Фото: EPA
Аввалги кунларнинг фотогалереялари:
Арафотдаги мусулмонлар, қурбонликка аталган туя, коронавирус чекловларидан халос бўлган инглизлар. 19 июль суратлари Асов отни жиловлаётган аёл, Ғазодаги ҳарбий ёзги лагер, Токиодаги ҳақиқатга айланувчи туш. 16 июль суратлари Вертолёт назоратидаги Тошкент, Германиядаги ҳалокатли сел, судда хонандани қўллаган мухлислар. 15 июль суратлари Йирик конференцияга тайёргарлик кўраётган Тошкент, Косонсой дўлидан тирик қолган қарға, Римда ўтказилган чемпионлик паради. 13 июль суратлари Қурбон ҳайитига тайёргарлик, «Толибон»га қарши уруш очган собиқ мужоҳидлар, тўнкарилиб тушган танк. 12 июль суратлари Халққа намойиш қилинган президент қотиллари, ибодатхонани тўлдирган «вирус», ёнғиндан қочаётган кийик боласи. 9 июль суратлари Селда қолган аёллар, биринчи космик турист, коммунистлар қарши қўзғолон. Ҳафта суратлари
Изоҳ (0)