Уч нафар америкалик АҚШнинг 48 та штатини 3 кун 14 соат-у 19 дақиқада босиб ўтиб, янги рекорд ўрнатди. Рекорд 2012 йилда ишлаб чиқарилган Mercedes-Benz S550 машинасида ўрнатилган. Сафар иштирокчиларидан бирининг сўзларига кўра, муваффақиятга эришишда барча йўлларда максимал тезликда ҳаракатланиш эмас, балки маршрутни тўғри режалаштириш ёрдам берган, деб ёзади Motor.
Сафар иштирокчиларидан бири бўлган Груди Лено Road&Track нашрига берган интервьюсида маршрутни яхшилаб тузиб чиқиш ва ҳаракат тезлиги нуқтаи назаридан оптимал ечимни топишга у 60 соатдан ортиқ вақт сарфлаган. Вақтни оптималлаштириш мақсадида экипаж айрим штатларни йўл-йўлакай босиб ўтган: масалан, Флорида ҳудудига улар бир неча метр кирган, холос.
Уйқунинг тўғри графиги сабаб экипажнинг ҳар бир аъзоси етарлича ухлаб олган ва рулни тетик ҳолда бошқарган, бу эса ҳаракат тезлигига сезиларли даражада таъсир кўрсатган. Ҳайдовчилардан бири доим уйқуда бўлган ва у ҳатто тирбандликларда ҳам уйғотилмаган, улар ҳар тўрт соатда ўзаро алмашган. Бу каби график ёрдамида ҳайдовчилар узоқ масофага юришда ҳам толиқмаган ва диққатини йўқотмаган.
Сафар давомида 10 750 километр йўл босилган ва ўртача тезлик соатига 125 километрни ташкил этган. Улар ушбу масофани босиб ўтишга 3 кун 14 соат-у 19 дақиқа сарфлаган. Бундан олдинги рекорд натижаси 8 соатга кўпроқ эди.
Рекордни ўрнатишга тайёргарлик кўриш жараёнида улар бутун Америка бўйлаб ўтказиладиган ноқонуний пойгада иштирок этган. У Нью-Йоркдан бошланиб, Лос-Анжелесда тугайди. Рекордчилар учлиги ушбу пойгада 36 соатли натижани кўрсатган, рекорд эса 25 соат-у 39 дақиқани ташкил этади.
Изоҳ (0)