Британиянинг Кент графлигида ўзига хос рекорд ўрнатган ҳайдовчининг видеоси тарқалди. У машинани автотураргоҳдаги белгиланган жойга жойлаштириш учун саккиз дақиқа сарфлаб, ўнта уринишни амалга оширган. Натижада ўжар Toyota ҳайдовчиси ўз мақсадига эришган, деб хабар беради Motor.
Вирус каби тарқалган ролик муаллифи балкони автотураргоҳга қараган Андрей Далка исмли киши бўлади. Орқага юриб, автотураргоҳга жойлашиш мақсадида ғалати ҳаракат қилаётган Toyota унинг эътиборини тортган.
Видеодан кўриш мумкинки, британиялик тураргоҳнинг тўртта турли жойида ўзини синаб кўрган, аммо ҳар сафар нимадир нотўғри кетган: чизиқдан машинанинг ё қуйруқ қисми, ёки олд қисми чиқиб қолаверган. Шу билан бирга, у бурилиб олиб, олди билан киришга ёки бўш жой кўплигига қарамай, эшикни очишга уринмаган.
Натижада Toyota ҳайдовчиси охир-оқибат машинасини тўғри жойлаштирган ва бунга саккиз дақиқа вақт сарфлаган. Гувоҳнинг сўзларига кўра, унинг «қийналиши»ни томоша қилиш бир вақтнинг ўзида ҳам кулгили, ҳам хавотирли бўлган: потенциал хавфли ҳайдовчи қандай қилиб ҳайдовчилик гувоҳномасини олгани номаълум.
Аввалроқ Британияда Audi йўл бўйидаги уйлардан бирига урилиб, ўзи билан кириш эшигини «олиб кетгани» тўғрисида хабар берилганди.
Изоҳ (0)