Apple компаниясининг 2021 йилда тақдим этиладиган iPhone линейкасида тилла рангнинг иккита янги жилоси пайдо бўлади, деб хабар беради Hi-Tech.Mail.ru.
Apple тўртта моделни тақдим этади: iPhone 13 mini, iPhone 13, iPhone 13 Pro ва iPhone 13 Pro Max. Бунга қадар янги линейкадан ўрин оладиган смартфонлар ҳақида бир нечта маълумотлар тарқалган бўлса-да, янги суратларда гаджетлар эга бўладиган ранглар намойиш этилган.
Хусусан, эълон қилинган кадрларда Pro Max тўрт хил рангда тасвирланган. Оқ ва қора ранглари билан бир қаторда (улар Pearl ва Matte Black номли) Apple тилла рангининг янги иккита жилосига эга вариантларни — Sunset Gold ва Rose Gold’ни тақдим этишга тайёрланмоқда.
Шунингдек, маълум қилинишича, iPhone 13 Pro ва 13 Pro Max моделлари 120 герцли янгиланиш частотасига эга LTPO OLED-дисплейларга эга бўлади, iPhone 13 ва 13 mini’нинг экранлари эса 60 герци.
iPhone 13’дан нимани кутиш керак?
iPhone 12’дан фарқли ўлароқ янги линейка яхшиланган аккумуляторларга эга бўлади:
- iPhone 13 мини — 2406 мА/соат, iPhone 13 ва 13 Pro — 3095 мА/соат, iPhone 13 Pro Max — 4352 мА/соат;
- iPhone 12 мини — 2227 мА/соат, iPhone 12 ва 12 Pro — 2815 мА/соат, iPhone 12 Pro Max — 3687 мА/соат.
Изоҳ (0)