KickStarter сайтида 32°N номли кўзойнакларни яратиш учун йўлга қўйилган маблағ йиғиш жараёнлари якунланмоқда. Ихтирочилар ўз маҳсулотини «бир уринишда ўқиш учун мўлжалланган кўзойнакка айланувчи қуёшдан ҳимоялайдиган кўзойнак» дея таърифламоқда, деб хабар беради IXBT.
Кўзойнаклар сири — оптик кучни қўйилган кучланиш таъсирида ўзгартира оладиган фаол соҳа мавжудлигида. Бошқарув «дужка»даги сенсор бўйлаб сирпаниш орқали амалга оширилади. Ўзгариш диапазони — +2 диоптрийгача. Мобил дастур орқали линзалар ёнганда қабул қиладиган аниқ бир қийматни созлаш мумкин. Каттартиришни ўчириш учун, «дужка» бўйлаб қарама-қарши йўналишга силжитиш кифоя.
Кўзойнакларни қўлга киритиш учун қўйиладиган минимал бадал пули 229 долларни ташкил этади. Айни вақтда 276 минг доллардан ортиқ маблағ тўплаган, бу дастлабки мўлжалдан 10 бараварга кўп демак. Лойиҳа муаллифлари кўзойнакларни 2022 йилнинг апрелидан етказиб беришни ваъда қилган. Улгуржи савдода кўзойнаклар нархи 449 долларни ташкил этади.
Эслатиб ўтамиз, 2020 йилнинг сентябрида Канадада сунъий интеллектга эга кўзойнак яратилган эди. У ўз эгасининг дангасалик қилишига йўл қўймайди.
Изоҳ (0)