Apple kompaniyasining 2021-yilda taqdim etiladigan iPhone lineykasida tilla rangning ikkita yangi jilosi paydo bo‘ladi, deb xabar beradi Hi-Tech.Mail.ru.
Apple to‘rtta modelni taqdim etadi: iPhone 13 mini, iPhone 13, iPhone 13 Pro va iPhone 13 Pro Max. Bunga qadar yangi lineykadan o‘rin oladigan smartfonlar haqida bir nechta ma’lumotlar tarqalgan bo‘lsa-da, yangi suratlarda gadjetlar ega bo‘ladigan ranglar namoyish etilgan.
Xususan, e’lon qilingan kadrlarda Pro Max to‘rt xil rangda tasvirlangan. Oq va qora ranglari bilan bir qatorda (ular Pearl va Matte Black nomli) Apple tilla rangining yangi ikkita jilosiga ega variantlarni — Sunset Gold va Rose Gold’ni taqdim etishga tayyorlanmoqda.
Shuningdek, ma’lum qilinishicha, iPhone 13 Pro va 13 Pro Max modellari 120 gertsli yangilanish chastotasiga ega LTPO OLED-displeylarga ega bo‘ladi, iPhone 13 va 13 mini’ning ekranlari esa 60 gertsi.
iPhone 13’dan nimani kutish kerak?
iPhone 12’dan farqli o‘laroq yangi lineyka yaxshilangan akkumulyatorlarga ega bo‘ladi:
- iPhone 13 mini — 2406 mA/soat, iPhone 13 va 13 Pro — 3095 mA/soat, iPhone 13 Pro Max — 4352 mA/soat;
- iPhone 12 mini — 2227 mA/soat, iPhone 12 va 12 Pro — 2815 mA/soat, iPhone 12 Pro Max — 3687 mA/soat.
Izoh (0)