Россиянинг Геленжик шаҳридаги меҳмонхонада 13 июль куни эрталаб газ портлади. Ҳодиса оқибатида икки киши ҳалок бўлди, яна беш киши жароҳат олди, деб ёзмоқда Meduza.
Портлашдан сўнг жабрланганлардан бири қутқарувчилар томонидан вайроналар остидан чиқариб олинган. ОАВ хабарларига кўра, воқеа Совецкая кўчасида жойлашган «Азария» хусусий меҳмонхонасида содир бўлган.
Портлаш тўрт қаватли меҳмонхонанинг биринчи қаватида жойлашган дўконда юз берган. Бинодаги портлаш биринчи қаватнинг ички конструкцияларига зарар етказган, деб хабар қилмоқда Фавқулодда вазиятлар вазирлиги.
Меҳмонхонадан 50 киши эвакуация қилинган.
Россиянинг Краснодар ўлкаси бўйича Тергов қўмитаси тергов бўлими маълумотларига кўра, жабрланганлар орасида вояга етмаган қиз ҳам бор. Улар турли даражадаги жароҳатлар билан касалхонага ётқизилган.
Краснодар ўлкаси прокуратураси матбуот хизмати хабар беришишича, Геленжик прокуратураси газ-ҳаво аралашмасининг портлаши бўйича текширув ташкил қилди.
Изоҳ (0)