Бухоро вилояти Соғлиқни сақлаш бошқармаси бошлиғи Ғафур Саидов саломатлиги ёмонлашгани сабабли лавозимни тарк этди. Бу ҳақда вилоят ҳокими ўринбосари Мирали Ҳамроев ўтказган йиғилишда маълум қилинди, дея хабар бермоқда «Дарё» мухбири.
Таъкидланишича, 2021 йилнинг 10 июль куни бошқармада вилоят ҳокими ўринбосари иштирокида йиғилиш бўлиб ўтган. Йиғилишда Мирали Ҳамроев Ғафур Саидовнинг саломатлиги туфайли ишдан бўшаётгани ҳақидаги соғлиқни сақлаш вазирининг буйруғини ўқиб эшиттирган.
Ғафур Саидов бошқарма бошлиғи лавозимига тайинлангунига қадар ишлаган жойи — Республика ихтисослаштирилган онкология ва радиология илмий-амалий тиббиёт маркази Бухоро филиали директори лавозимига ўтказилган.
Вилоят Соғлиқни сақлаш бошқармаси бошлиғи вазифасини вақтинча бажарувчи этиб, айни дамгача бошқарма бошлиғининг биринчи ўринбосари лавозимида ишлаб келган Асқар Баҳронов тайинланган.
Эслатиб ўтамиз, Ғофур Саидов 2020 йилнинг июль ойида вилоят Соғлиқни сақлаш бошқармаси бошлиғи лавозимига тайинланган эди.
Изоҳ (0)