Бугун,

Тошкентда

+19°C

USD 10920.28
RUB 177.49
EUR 11052.42

Маҳаллий

07.07.2021, 23:55

61675

Бир кунда 100 та жасад келган қабристон, Европадаги виртуал кўприк, Сувайшдан озод бўлган Ever Given. 7 июль суратлари

7 июль куни дунёнинг турли бурчакларида олинган суратларни намойиш қиламиз.

Тўрт нуқтали барг қўнғизи ва чумолининг учрашуви. Краснодар вилояти.

Киевда Купала кечаси миллий байрами нишонланди. Бу анъанавий славянлар байрами бўлиб, у йилнинг энг қисқа тунида, яъни 21—22 ёки 23—24 июнь кунлари, шарқий славян мамлакатларида эса анъанавий Жулиан тақвимига кўра 6-дан 7 июлга ўтар кечаси нишонланади.

Италия терма жамоаси ишқибозлари Испания устидан қозонилган ғалаба ва жамоанинг Евро—2020 финалига чиққанини нишонламоқда.

Мавзуга доир: Месси яна Неймарга қарши: Копа Америка финалида «титанлар жанги» бўлади. Евро финалига чиққан Италия ва «ПСЖ»нинг навбатдаги хариди. Энг сўнгги спорт янгиликлари

Нью-Йорк осмонида чақнаётган яшин. АҚШнинг шарқий соҳилларига яқин кунларда Эльза тўфони урилиши кутилмоқда.

Ever Given контейнер ташувчи кема 107 кунлик ҳибсдан сўнг Сувайш каналини тарк этмоқда. Кема 23 март куни кучли шамол ва қум бўрони туфайли йўналишини ўзгартириб, бурун ва қуйруқ қисмлари билан иккала қирғоққа тиралиб қолиб, Сувайш каналининг бир магистралли жанубий қисмини тўсиб қўйган эди. 29 март куни саёзликдан чиққан кема канал маъмурияти томонидан ушлаб турилганди.

Мавзуга доир: Сувайш каналини тўсиб қўйган Ever Given кемасининг эгаси товон тўлайдиган бўлди

Сицилиядаги Этна вулқонидан лава отилиши давом этмоқда.

Даккада яшовчи одамлар бутун мамлакат бўйлаб жорий қилинган локдаун пайтида бепул озиқ-овқат олишни кутиб, йўлда ўтирибди.

Мавзуга доир: Ер аҳолисининг ярми эмланди, Хитой ва Россия янги вакцина ишлаб чиқди, Москвада илк ўсмирлар COVID-вакцина олди. Коронахабарлар

Судан пойтахти чеккасидаги ал-Такамол лагерида яшовчи жанубий суданлик қочқин чодирининг ичидан жилмайиб турибди.

Лондондаги «Оқ куб» галереясида хитойлик рассом Лю Вэй кўргазмасининг пресс-превьюси бўлиб ўтди.

Тиббиёт ходимлари коронавирусга қарши эмлаш пайтида қишлоқларга етиб бориш учун сойдан ўтмоқда. Жамоа Ҳиндистон назорати остидаги Ҳимолай минтақасининг ўтлоқларида чўпонлар ва кўчманчи чорвадорларни эмлаш учун узоқ масофаларга саёҳат қилишга тўғри келмоқда.

Мавзуга доир: Фото: Эмланган ўзбек амалдорлари

Ташриф буюрувчилар Киевдаги Мерман арт-инсталляциясини томоша қилмоқда.

Бир-биридан 550 километр масофада жойлашган Польшадаги Люблин шаҳри билан Литвадаги Вильнюс шаҳрини виртуал кўприк орқали боғлайдиган экранга қарата қўл силтаётган аёл.

Пекинлик рассом Лю Вэйнинг Лондонда жойлашган «Оқ куб» галереясидаги кўргазмасидан ўрин олган инсталляция.

Индонезияда коронавирус беморларининг ўлими кескин ўсмоқда.

Туркиянинг шимоли-ғарбий қисмида жойлашган Дюзче шаҳри узоқ давом этган ёмғир туфайли тошқинлардан зарар кўрмоқда.

Мавзуга доир: Қримнинг Ялта шаҳрида кучли ёмғир тошқинга сабаб бўлди. Аҳолидан уйда қолиш сўралмоқда (фото ва видео)

Дортмунд ботаника боғида катта ҳажмдаги аморфофаллус ўсимлиги гуллади.

Глобал исиш туфайли қуриб қолиш хавфи остида бўлган дунёдаги энг катта шўр кўллардан бири бўлган Эрондаги Урмия кўлида ўйнаётган қизча.

Пекиндаги уй ҳайвонлари бозорида қуш қафаси сотувчиси.

Бир кунда 100 дан ортиқ жасад қабул қилган Жакартадаги Роротан қабристонида йиғлаётган аёл. Индонезияда ўлим ҳолатлари сони ошиб бормоқда.

Мавзуга доир: Латвияда шифокорлар, ўқитувчилар ва мансабдорлар учун мажбурий вакцинация жорий қилинди. Эмланмаганларни ишдан бўшатишга рухсат берилади

Украинанинг Халқ меъморчилиги ва ҳаёти миллий музейида Купала кечаси тантанасида гулчамбар таққан аёллар гулхан устидан сакраб ўтмоқда.

Евро—2020 ярим финалида Англияга қарши ўйин олдидан Лондонда йиғилган даниялик футбол мухлислари.

Канн кинофестивали очилиш маросимида ва «Аннетте» фильмининг намойиши учун келаётган меҳмон.

Нью-Йоркнинг Квинс туманида отишма содир бўлган жой яқинидаги белгиларга қараб турган болакай.

Аввалги кунларнинг фотогалереялари:

Биз Telegram’да

Улашинг:

Изоҳ

Асосий янгиликлар