Ижтимоий тармоқларда 2021 йилнинг 5 июль куни «Чортоқ туманида ГАИ, ППС ва ҳайдовчи ўртасида тортишув юзага келгани айтилмоқда» изоҳи билан видеолавҳа тарқалди. Ҳолат юзасидан Наманган вилояти ИИБ расмий муносабат билдирди.
Қайд этилишича, 2021 йил 4 июль куни соат 16:30 ларда Чортоқ туман ИИБ ходимлари тумандаги деҳқон бозорида жамоат тартибини сақлаш учун жалб этилиб, хизмат олиб бораётган вақтларида шу туманда яшовчи, 1992 йилда туғилган фуқаро Т.Э. ўзига тегишли бўлган Cobalt русумли автомашинасини тўхташ мумкин бўлмаган жойга, яъни марказий чорраҳа ўртасига тўхтатиб, автомашиналар ҳаракатига халақит берган.
Шу ҳудудда хизмат олиб бораётган, Чортоқ туман ИИБ ЙҲХГ катта инспектори томонидан унинг олдига келиб ушбу ҳаракатлари билан Маъмурий жавобгарлик тўғрисидаги кодекснинг 128-моддаси 6-қисмини (транспорт воситалари ҳайдовчиларининг тўхташ ёки тўхтаб туриш қоидаларини бузиши) бузгани тушунтирилиб, унга нисбатан маъмурий баённома тузиш айтилган.
Шу вақт фуқаро ходимнинг қонуний талабларини бажармай, автомашинага тегишли бўлган ҳужжатларни тақдим этмасдан, бақир-чақир қилиб, ҳудудга фуқаролар тўпланишига ва ҳодиса ижтимоий тармоқда тарқалишига сабабчи бўлган.
Ушбу ҳолат юзасидан Чортоқ туман ИИБ ҲПМБ ТП профилактика инспектори томонидан фуқарога нисбатан Маъмурий жавобгарлик тўғрисидаги кодекснинг 183, (майда безорилик) 194 (ички ишлар органлари ходимининг қонуний талабларини бажармаслик), 128-моддаси 6-қисми билан маъмурий баённома расмийлаштирилган.
Бундан аввал Тошкент шаҳрида ЙҲХБ инспекторлари томонидан таъқиб қилинган вояга етмаган бола бошқарувидаги Matiz Cobalt билан тўқнашгани, Паркентда ИИБ ходимлари фуқарога куч ишлатгани тасвирланган видео бўйича маълумот берилгани ҳамда Гулистонда маст ҳолда жамоат тартибини бузиб, ИИБ ходимларига қаршилик кўрсатган шахс 5 суткага қамалгани ҳақида хабар берилганди.
Изоҳ (0)