Маҳалла ва оилани қўллаб-қувватлаш вазири Раҳмат Маматов 3 июль куни коронавирусга қарши вакцина олди.
Қашқадарё вилояти соғлиқни сақлаш бошқармаси матбуот хизматининг маълум қилишича, вазир Қашқадарёга хизмат сафари чоғида Қарши шаҳридаги 4-сон оилавий поликлиникада эмланди.
Вазирнинг «Дарё»га маълум қилишича, у Соғлиқни сақлаш вазирлиги ташаббуси билан бошланган #men_vaksina_oldim акцияси доирасида коронавирус инфекциясига қарши «Спутник V» вакцинанинг 1-босқичи билан эмланди.
Аввалроқ шу акция доирасида халқ таълими вазири Шерзод Шерматов коронавирусга қарши ўзбек—хитой вакцинаси билан, собиқ соғлиқни сақлаш вазири Алишер Шодмонов ва соғлиқни сақлаш вазирининг ўринбосари – Тошкент шаҳар Соғлиқни сақлаш бош бошқармаси бошлиғи Анвар Алимов ZF-UZ-VAC2001 вакцинаси билан, Ўзбекистон маданият вазири Озодбек Назарбеков «Спутник V» вакцинаси билан эмланганди.
Изоҳ (0)