Интернетда Lego конструкторининг бир уюм деталларини смартфон камераси ёрдамида сканер қилиб, шундан сўнг турли объектларни йиғишни таклиф этадиган Brickit дастури машҳурликка эришди, деб хабар беради Hi-Tech.Mail.ru.
Brickit дастури биринчи бор App Store’да 2019 йилнинг охирларида пайдо бўлган. Яқинда унга янги Scan and Build («Сканерла ва яса») функцияси қўшилган. Шундан сўнг у интернетда машҳурликка эришиб, Lego конструктори жамланмаси кўплаб ишқибозларининг севимли дастурига айланган.
Янги функция мавжуд деталлардан бирор нима яратиш жараёнини соддалаштиради. Бунинг учун Lego’нинг барча деталларини бир қават қилиб ёйиб чиқиш ва смартфон камераси ёрдамида тизим уни сканер қилишини кутиш керак, холос. Дастур барча деталларни таниб олгач, яратиладиган буюм бўйича босқичма-босқич йўналиш бериб боради:
Агар Lego’да керакли ранглар мавжуд бўлмаса, дастур бошқасини танлайди, шунингдек, етишмаётган элемент ўрнига бошқа детални таклиф этади. Дастур ёрдамида қуйидаги ўйинчоқларни йиғиш мумкин:
Фойдаланувчиларнинг таъкидлашича, дастур баъзида қотиб қолмоқда ва инструксияни танлаш вақтида ўчиб қолмоқда, суратлардаги айрим деталларни эса тизим таний олмаслиги мумкин. Умуман олганда, Brickit вазифани яхши уддалаяпти.
Аввалроқ Lego 400 минг деталдан иборат тўлиқ ўлчамли Lamborghini Sian гиперкарини ясагани, Lego Таноснинг «чексизлик қўлқопи»ни тақдим этгани тўғрисида хабар берилганди.
Изоҳ (0)