Internetda Lego konstruktorining bir uyum detallarini smartfon kamerasi yordamida skaner qilib, shundan so‘ng turli obyektlarni yig‘ishni taklif etadigan Brickit dasturi mashhurlikka erishdi, deb xabar beradi Hi-Tech.Mail.ru.

Brickit dasturi birinchi bor App Store’da 2019-yilning oxirlarida paydo bo‘lgan. Yaqinda unga yangi Scan and Build (“Skanerla va yasa”) funksiyasi qo‘shilgan. Shundan so‘ng u internetda mashhurlikka erishib, Lego konstruktori jamlanmasi ko‘plab ishqibozlarining sevimli dasturiga aylangan.

Yangi funksiya mavjud detallardan biror nima yaratish jarayonini soddalashtiradi. Buning uchun Lego’ning barcha detallarini bir qavat qilib yoyib chiqish va smartfon kamerasi yordamida tizim uni skaner qilishini kutish kerak, xolos. Dastur barcha detallarni tanib olgach, yaratiladigan buyum bo‘yicha bosqichma-bosqich yo‘nalish berib boradi:

Agar Lego’da kerakli ranglar mavjud bo‘lmasa, dastur boshqasini tanlaydi, shuningdek, yetishmayotgan element o‘rniga boshqa detalni taklif etadi. Dastur yordamida quyidagi o‘yinchoqlarni yig‘ish mumkin:

Foydalanuvchilarning ta’kidlashicha, dastur ba’zida qotib qolmoqda va instruksiyani tanlash vaqtida o‘chib qolmoqda, suratlardagi ayrim detallarni esa tizim taniy olmasligi mumkin. Umuman olganda, Brickit vazifani yaxshi uddalayapti.

Avvalroq Lego 400 ming detaldan iborat to‘liq o‘lchamli Lamborghini Sian giperkarini yasagani, Lego Tanosning “cheksizlik qo‘lqopi”ni taqdim etgani to‘g‘risida xabar berilgandi.