12 июнь куни Луизиана штатида истиқомат қилувчи Даррен Жеймс исмли эркак рафиқасининг банк ҳисоб рақамида хатолик сабаб 50 миллиард доллар пайдо бўлиб қолганидан хабар топган. Банк ҳисобдаги пулларни тўрт кун давомида ечиб олган, бироқ бу вақт ичида оила тасодифан ўтказилган пулларнинг бир сентига ҳам тегмаган, деб хабар беради Esquire.
Аввалига 47 ёшли америкалик пулларни номаълум узоқ қариндошларидан бири мерос сифатида қолдирганига умид қилган, аммо кейинроқ оила пуллар хатолик сабаб ўтказилганини тушуниб, банк вакиллари билан боғланган. «Бу пуллар бизники эмаслигини билар эдик. Бу пулларни ишлаб топмаганмиз, шу сабаб уни бирор нарса қила олмасдик», — дейди Жеймс. Бундан ташқари, эркак олдин жамоат хавфсизлиги бўйича маҳаллий департаментда ишлаган ва бу каби пулларни ишлатиш ўғирлик ҳисобланишини билган.
Банк оиланинг ҳисобидаги 50 миллиард долларни 15 июнь куни ечиб бўлган ва бу вақт ичида Жеймс ҳамда унинг рафиқаси дунёнинг энг бадавлат оилаларидан бири ҳисобланган. «Аккаунтимизда ноллар кўплигини кўрганимда ажойиб ҳиссиётлар қамраб олди. Буни томоша қилиш ёқимли эди», — дейди Жеймс.
Бироқ TikTok’даги @Thatcroclady ники остидаги фойдаланувчининг омади келмаган. 20 июнь куни у банкдан 50 миллиард доллар қарздорлигидан хабар топган. Эртаси куни эса банк муаммони ҳал этган ва қарзни ўчириб ташлаган.
Изоҳ (0)