Москва ҳайвонот боғида сақланаётган жонзотларга ҳаво исиб кетгани сабаб музли тортлар ва олдиндан ғамлаб қўйилган қорлар берилмоқда. Бу ҳақда ҳайвонот боғининг Instagram’даги саҳифасига таяниб, Esquire хабар берди.
«Айиқларга (жумладан, пандаларга ҳам) сабзи ва олмали муз таклиф этилмоқда, маймунларга — мевали тортлар, йиртқичларга эса музлатилган гўшт», — дейилади хабарда.
Ҳайвонларнинг салқин яшаши учун уларга қор берилмоқда. Ҳайвонларни парваришловчи ходимлар иссиқ кунлар учун қишда махсус қор захирасини тайёрлаб қўйган ва уни музлаткичда сақламоқда.
Баъзи ҳайвонлар юқори ҳароратга яхши мослашган, масалан, туя, ҳўкиз, қўй ва бўрилар. Бош ҳайвонларга эга боғ ходимлари ёрдам кўрсатмоқда, хусусан, қўй ва алпакалар юнги калталанган.
https://www.instagram.com/p/CQisCWxKnVs/
Бундан ташқари, айрим ҳайвонларнинг волерларда чўмилиш учун кўл, бассейн ва кичик ирмоқ ҳамда шаршаралар ташкил этилган. Пандалар, бўрилар, отлар ва ҳайвонот боғининг яна бошқа ҳайвонларига қўшимча сув сепгичлар ўрнатилган.
Аввалроқ АҚШ ҳайвонот боғида артрит билан оғрийдиган кекса пингвинга ортопедик оёқ кийим тикиб берилгани, Таиландда 11 ёшли қизча ҳар ҳафта ҳайвонот боғида концерт уюштираётгани тўғрисида хабар берилганди.
Изоҳ (0)