Нью-Йоркда SpaceX ва Tesla компаниялари раҳбари Илон Маскнинг 50 ёшга тўлиши муносабати билан унинг бронза ҳайкали ўрнатилди, деб хабар беради Esquire.
Ҳайкалга инвесторлар учун мўлжалланган Public ижтимоий тармоғи муаллифлик қилган. Унга намуна сифатида Маскнинг ракеталаридан бири учирилганидаги машҳур сурати олинган. «Илоннинг амбициялари кичкина бўлмагани учун, ҳайкалини ҳам унинг бўйи баравар ясашга қарор қилдик», — дейилади компания хабарида.
Public, шунингдек, ижтимоий тармоқдаги ушбу постни ретвит қилган фойдаланувчиларга миллиардернинг юзта бронза ҳайкали совға қилинишини ваъда берган. Тадбиркорнинг ҳақиқий ўлчамидек келадиган ҳайкал бир вақтнинг ўзида аукционга ҳам қўйилган, унинг нархи ҳозирда 2550 долларни ташкил этмоқда.
Ижтимоий тармоқларда Маскнинг ҳайкали танқидларга учради. Фойдаланувчилар ҳайкалнинг омадсиз чиққан бош қисмини олиб ташлашни таклиф қилиб, уни Криштиану Роналдунинг машҳур бюстига қиёслаган.
https://twitter.com/TTL_TM/status/1409568872198512643
Изоҳ (0)